- 29 -

1309. Dez. 31. Breslau.

Bischof Heinrich von Breslau gestattet der Stadt Liegnitz, in Rücksicht auf die anwachsende Einwohnerzahl, für die Schule von St. Peter das Studium der freien Künste und hebt die Verordnung seiner Vorgänger auf wonach dasselbe nur auf den Donat und das Doctrinale beschränkt bleiben sollte.

In nomine domini amen. Nos Heinricus dei gracia episcopus Wratislauiensis notum facimus vniuersis, presentes litteras inspecturis, quod cum disponente deo omnium auctore bonorum opidi Legnicensis adaucta populorum et scolarium ibidem studencium multitudo, regimine et doctrina indigeat ampliori, quam indiguerit usque modo, nos scienciarum studia et scolasticas disciplinas, quibus ipsarum scienciarum professores deo et hominibus redduntur placabiles et accepti complectentes in domino et volentes, quod quanto in ecclesia sancti Petri in Legnicz cultus diuinus est amplior, tanto personarum laudem dei decantancium habeatur pluralitas copiosior in eadem, concedimus et gratanter admittimus, quod in scolis predicte ecclesie s. Petri ad informacionem scolarium ibidem frequentantium scolas ipsas legantur de cetero libri arcium gramaticales, loycales, naturales et aliy quicumque, ad quos audiencium se facultas extendit, prohibicione aliqua non obstante, si qua a quodam predecessorum nostrorum episcoporum, ut accepimus, emanauit, quod in sepedictis scolis s. Petri nulli libri arcium sed Donatus, doctrinale solummodo legi debeant et auctores, penam eciam, qua vallatur huiusmodi prohibicio, tollimus et tenore presencium anullamus. In cuius rei testimonium presentes literas fieri et nostro sigillo fecimus roborari. Datum Vratislauie pridie kalendas Januarij anno domini M°CCC° nono. Presentibus dominis Nicolao de Banocz archidyacono Legnicensi, Mag. Arnoldo archidyac. Glogou., Meynardo, Petro de Waltdorff, Petro Bartholomei, canonicis nostris Wratisl. et aliis multis fidedignis.

Bitschens Privilegb. f. CLXXXVIII. — Gedruckt, ohne Zeugen, bei Thebes. II, 142, in Sammters Chr. von Liegnitz S. 469.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866